சிவபுராணம்
(திருப்பெருந்துறையில் அருளியது)
தென்னாடுடைய சிவனே போற்றி. அதாவது,தென்னகத்தில் உள்ளோர் உன்னை சிவனாகக் கண்டு போற்றுகிறோம்.
திருச்சிற்றம்பலம்
தென்னாடுடைய சிவனே போற்றி. அதாவது,தென்னகத்தில் உள்ளோர் உன்னை சிவனாகக் கண்டு போற்றுகிறோம்.
தென்னாடுடைய சிவனே போற்றி
தென்னாடுடைய சிவனே போற்றி. அதாவது,தென்னகத்தில் உள்ளோர் உன்னை சிவனாகக் கண்டு போற்றுகிறோம்.
எந்நாட்டவர்க்கும் இறைவா போற்றி
எந்நாட்டவர்க்கும் இறைவா போற்றி. ' அதாவது, எந்தநாட்டிலும் உள்ளோரும் உன்னை (இறைவனாக)இறையாகக் கண்டு போற்றுகிறார்கள்.
* * * * *
தொல்லை இரும்பிறவி சூழும் தளை நீக்கி
எப்போது ஆரம்பித்தது என அறியப்படமுடியாத தொலை காலமாக இருந்து வரும் பிறவிப் பயணத்திலே ஆழ்த்துகின்ற அறியாமையாகிய இடரை அகற்றி
அல்லல் அறுத் தானந்தம் ஆக்கியதே – எல்லை
அதன் விளைவால் சுகதுக்கமெனும் துயரங்கள் விலக முழுநிறைவாய்த் தன்னுளே இறைவனை உணர்த்துவதே - பிறந்து இறக்கும் காலவெளிகளில்
மருவா நெறி அளிக்கும் வாதவூர் எங்கோன்
பிணைக்காமல் காக்கும் மெய்யறிவினைத் தருகின்ற என் தலைவனான மாணிக்க வாசகரின்
திருவாசகம் என்னும் தேன்…. திருவாசகம் என்னும் தேன்
திருவாசகம் எனும் தேன்... திருவாசகம் எனும் தேன்
* * * * *
நமச்சிவாய வாஅழ்க நாதன்தாள் வாழ்க
நமச்சிவாய வாழ்க. நாதன் திருவடி வாழ்க.
இமைப்பொழுதும் என் நெஞ்சில் நீங்காதான் தாள்வாழ்க
கண்ணிமைக்கும் நேரமும் என் நெஞ்சம் பிரியாதவனுடைய திருவடி வாழ்க.
கோகழி ஆண்ட குருமணிதன் தாள்வாழ்க
திருவாவடுதுறை ஆண்டருளும் குருவாகிய மாணிக்கத்தின் திருவடி வாழ்க.
ஆகமம் ஆகிநின்று அண்ணிப்பான் தாள்வாழ்க
தானே ஆகமமாகி நின்று நமக்கு அருகில் வருபவனுடைய திருவடி வாழ்க.
ஏகன் அநேகன் இறைவன் அடிவாழ்க
ஒருவனாகியும் பலவுருக் கொண்டும் இருக்கும் இறைவனின் திருவடி வாழ்க.
வேகம் கெடுத்தாண்ட வேந்தன் அடிவெல்க
என்னுடைய வேகத்தைப் போக்கி ஆண்டுகொண்ட மன்னனின் திருவடி வெல்லட்டும்.
பிறப்பறுக்கும் பிஞ்ஞகன்தன் பெய்கழல்கள் வெல்க
பிறப்பினை நீக்குபவனாகிய தலைக்கோலமுடைய பெருமான் அணி சேர் கழல்கள் வெல்லட்டும்.
புறத்தார்க்குச் சேயோன் தன் பூங்கழல்கள் வெல்க
தன்னை விடுத்து நிற்பவர்களுக்கு வெகு தூரத்தில் உள்ள (அரிய பொருளாக உள்ள) பெருமானின் பூப்போன்ற மென்மையான கழல்கள் வெல்லட்டும்.
கரங்குவிவார் உள்மகிழும் கோன்கழல்கள் வெல்க
கைகளைக் கூப்பி வழிபடுவார் உள்ளத்தில் மகிழ்ந்து இருக்கும் மன்னனுடைய கழல்கள் வெல்லட்டும்.
சிரங்குவிவார் ஓங்குவிக்கும் சீரோன் கழல்வெல்க
தலை தாழ்ந்து வணங்குவார்களை மிக உயர்ந்த நிலைக்கு ஓங்கச் செய்யும் பெருங்குணம் வாய்ந்தவனுடைய கழல்கள் வெல்லட்டும்.
ஈசன் அடிபோற்றி எந்தை அடிபோற்றி
எல்லாவற்றையும் உடைமையாகக் கொண்டவனின் திருவடி போற்றி. எம் தந்தை என நின்று அருளுபவனின் திருவடி போற்றி.
தேசன் அடிபோற்றி சிவன் சேவடிபோற்றி
ஒளி வடிவானவனின் திருவடி போற்றி. சிவன் எனப்பெறும் செம்பொருளின் சிவந்த திருவடி போற்றி.
நேயத்தே நின்ற நிமலன் அடிபோற்றி
அன்பினில் நிற்பவனான தூயவனின் திருவடி போற்றி.
மாயப் பிறப்பறுக்கும் மன்னன் அடிபோற்றி
மாயப் பிறப்பினை நீக்கும் உயர்ந்தோனின் திருவடி போற்றி.
சீரார் பெருந்துறைநம் தேவன் அடிபோற்றி
அமைப்பு சிறந்து விளங்கும் திருப்பெருந்துறையில் இருக்கும் நம் தேவனின் திருவடி போற்றி.
ஆராத இன்பம் அருளும் மலைபோற்றி
அடங்காத இன்பம் அருளும் கருணையின் மலை போன்றவனுக்கு போற்றுதல்கள்.
சிவன்அவன் என்சிந்தையுள் நின்ற அதனால்
சிவபெருமான் என்னுடைய சிந்தையில் பெருங் கருணையால் வந்திருக்கின்ற காரணத்தால்
அவன் அருளாலே அவன்தாள் வணங்கிச்
அவனுடைய திருவருளே துணையாகக் கொண்டு அவனுடைய திருவடியை வணக்கம் செய்து
சிந்தை மகிழச் சிவபுராணம் தன்னை
உள்ளம் மகிழும் வண்ணம் சிவபுராணமாகிய இதனை
முந்தை வினைமுழுதும் ஓய உரைப்பன் யான்.
முன் செய்த வினைகள் எல்லாம் தீரச் சொல்லுகின்றேன்
கண்நுதலான் தன்கருணைக் கண்காட்ட வந்ததெய்தி
நெற்றியிலே ஒரு கண்ணுடைய பெருமான் தன்னுடைய கருணைக் கண் காட்டியதால் இங்கு வந்தேன்.
எண்ணுதற்கு எட்டா எழிலார் கழல்இறைஞ்சி
சிந்தனைக்கு எட்டாத பேரழகு மிக்க கழல் பூண்ட திருவடிகளை தொழுது நின்று,
விண்நிறைந்து மண்நிறைந்து மிக்காய், விளங்குஒளியாய்,
வானம், பூமி மற்றும் இவை தவிர மீதி உள்ளன யாவையுமாய், ஒளிமிக்கதாயும்
எண்ணிறந்து எல்லை இலாதானே நின்பெருங்சீர்
அளவிடும் எல்லைகள் எல்லாம் கடந்து உள்ள பெருமானே!
பொல்லா வினையேன் புகழுமாறு ஒன்றறியேன்
உன் பெரிய பெரிய தன்மைகளை மோசமான வினைகளில் கிடக்கும் நான் புகழ்ந்து போற்றும் வகை தெரியாது இருக்கிறேன்.
புல்லாகிப் பூடாய்ப் புழுவாய் மரமாகிப்
புல்லாகவும், சிறு செடிகளாகவும், புழுவாகவும், மரமாகவும்,
பல்விருகம் ஆகிப் பறவையாய்ப் பாம்பாகிக்
பலவகை மிருகங்களாகவும், பறவைகளாகவும், பாம்பாகவும்,
கல்லாய் மனிதராய்ப் பேயாய்க் கணங்களாய்
கல்லில் வாழும் உயிராகவும், மனிதராகவும், உடல் நீங்கிய பேய்களாகவும், பலதரப்பட்ட கணக்கூட்டங்களாகவும்,
வல்அசுரர் ஆகி முனிவராய்த் தேவராய்ச்
வலிமை மிகுந்த அசுரர்களாகவும், முனிவராகவும், தேவராகவும்
செல்லாஅ நின்ற இத்தாவர சங்கமத்துள்
இந்த அசையும் மற்றும் அசையாதவற்றால் ஆன (அண்டம்) முழுதும் சென்று
எல்லாப் பிறப்பும் பிறந்துஇளைத்தேன், எம்பெருமான்
எல்லாப் பிறப்பும் பிறந்து களைத்து விட்டேன், எம்பெருமானே!
மெய்யேஉன் பொன்அடிகள் கண்டுஇன்று வீடுற்றேன்
உன்னுடைய தங்கத் திருவடிகளைக் கண்டு இன்று உண்மையாகவே வீடு பேறடைந்தேன்.
உய்யஎன் உள்ளத்துள் ஓங்காரமாய் நின்ற
உய்யும் பொருட்டு எனது உள்ளத்துள் ஓம் எனும் ஒலியாய் எழுந்த
மெய்யா விமலா விடைப்பாகா வேதங்கள்
உண்மைப்பொருளே ! காளையை ஓட்டி வருபவனே! வேதங்கள்
ஐயா எனஓங்கி ஆழ்ந்துஅகன்ற நுண்ணியனே
“ஐயா!” எனப் பெரிதும் வியந்து கூறி ஆழமாகவும் பலபல தன்மைகளைப் பெருகி ஆராய்ந்தும் காண முயலுகின்ற மிகச் சிறிய பொருளுமாக இருப்பவனே!
வெய்யாய், தணியாய், இயமானனாம் விமலா
வெப்பமாகச் சுடுகின்றவரும், குளுமையாக இருக்கின்றவரும் நீரே. என் உரிமையாளனாக உள்ள மாசற்றவனே!
பொய்ஆயின எல்லாம் போய்அகல வந்தருளி
பொய்மைகள் எல்லாம் அகலும் வண்ணம் வந்து அருள்செய்து,
மெய்ஞ்ஞானம் ஆகி மிளிர்கின்ற மெய்ச்சுடரே
உண்மை அறிவாக ஒளிவிடும் மெய்ச்சுடரே!
எஞ்ஞானம் இல்லாதேன் இன்பப் பெருமானே
எந்த அறிவும் இல்லாத எனக்கும் இன்பமாம் பெருமானே!
அஞ்ஞானம் தன்னை அகல்விக்கும் நல்அறிவே
அறிவின்மையைப் போக்கும் நல்லறிவே!
ஆக்கம் அளவுஇறுதி இல்லாய், அனைத்துஉலகும்
தோற்றம், குறித்த வயது, முடிவு இல்லாதவனே ! நீ உலகங்களையெல்லாம்
ஆக்குவாய் காப்பாய் அழிப்பாய் அருள்தருவாய்
தோற்றுவிக்கின்றாய், தொடர்ந்து (அழியாது) இருக்கச் செய்கின்றாய், (இறுதியில்) அழிக்கின்றாய், அருள் தந்து உய்யக் கொள்கின்றாய், உயிர்களை மாயைக்குள்
போக்குவாய் என்னைப் புகுவிப்பாய் நின்தொழும்பின்
போக்குவாய்! நீ என்னை உன்னுடைய அடியார் கூட்டத்தில் புகவைப்பாய்
நாற்றத்தின் நேரியாய் சேயாய் நணியான
மணத்தினும் (வாசனை) நுண்மையான (சூக்ஷுமமான) பொருளே ! வெகு தொலைவாகியும், மிக அருகில் இருப்பவனே !
மாற்றம் மனம்கழிய நின்ற மறையோனே
சொல்லிற்கும் சிந்தனைக்கும் எட்டாது நிற்கும் மறை நாயகனே !
.jpg)
.png "MicrosoftTeams-image (28)")
.png "MicrosoftTeams-image (29)")
